2025-yil uchun «Jismoniy madaniyat: tarbiya, ta’lim, mashg‘ulot» jurnalining uchinchi soni (56 bet; 1000 nusxalik tiraj) nashr etildi.

Yangi sonida 10 ta ilmiy-metodik maqola taqdim etilgan bo‘lib, ular quyidagi ruknlarda chop etilgan: pedagog kadrlarni tayyorlash, professional ta’lim metodologiyasi va texnologiyasi, sport mashg‘ulotining texnikasi, taktikasi va metodikasi; bolalar-o‘smirlar sporti; ta’lim iqtisodiyoti va menejmenti, adaptiv jismoniy madaniyat.
Maqolalar tili bo‘yicha taqsimot: 4 ta maqola o‘zbek tilida, 3 ta maqola rus tilida va 3 ta maqola ingliz tilida.

Ushbu son quyidagi mavzularni yoritadi:

• maktabgacha va maktab ta’limi tizimi rahbarlari, pedagoglari hamda mutaxassislarining malakasini oshirishning zamonaviy yondashuvlari;

• sog‘liqni saqlash xodimlarining professional-educational texnologiyalar orqali kasbiy kompetensiyalarini shakllantirish;

• turli malaka darajasidagi futbol hakamlarini maxsus tayyorlashni takomillashtirishning pedagogik shart-sharoitlari;

• bo‘lajak ofitserlarning favqulodda vaziyatlardagi moslashuvchan xulq-atvori samaradorligi asosi sifatida kompleks jismoniy tayyorgarlik;

• O‘zbekiston yuqori malakali bokschilarini tayyorlash milliy tizimiga Kuba boks maktabini integratsiya qilish: nazariya va amaliyot;

• musobaqaoldi davrida malakali bokschilarni tayyorlash tizimini takomillashtirish;

• yosh gandbolchilarning jismoniy va texnik tayyorgarligi o‘zaro bog‘liqligini kompleks baholash;

• 11–13 yoshli yosh biatlonchilarni rivojlantirishning kompleks metodikasi: saralash va boshlang‘ich tayyorgarlik tamoyillari;

• korxona barqarorligini ta’minlashda strategik antikrizis boshqaruvining metodologik asoslari;

• inklyuziv sharoitda bo‘lajak jismoniy tarbiya va sport o‘qituvchilarining kasbiy kompetentligini shakllantirish.

Maqolalar bilan jurnalning rasmiy saytida «Jurnallar» ruknida, shuningdek EBSCO va Crossref saytlari orqali tanishishingiz mumkin.

Hurmatli o‘quvchilar, sizlarning fikr-mulohaza va takliflaringizni kutib qolamiz.