«JISMONIY MADANIYAT: TARBIYA, TA’LIM, MASHG‘ULOT» JURNARLINING 2026-YIL UCHUN BIRINCHI SONI NASHR ETILDI (52 bet; tiraj 1000 nusxa).

        Yangi sonda quyidagi bo‘limlar bo‘yicha 10 ta ilmiy-uslubiy maqola (3 ta o‘zbek tilida, 5 ta rus tilida, 2 ta ingliz tilida) taqdim etilgan: sport fani: muammolar va istiqbollar; kasb-hunar ta'limi metodologiyasi va texnologiyasi; sport mashg‘ulotining texnika, taktika va uslubiyati; bolalar-o‘smirlar sporti; moslashuvchan jismoniy madaniyat; jismoniy tarbiya muammolari; ta'lim iqtisodiyoti va menejment; ommaviy jismoniy tarbiya va sport.

Muhokama qilingan mavzular: sportda ta’lim sifatini baholash uchun neyron tarmoqlardan foydalanish uslubiyati; kursantlarni issiq iqlim sharoitida jangovar vazifalarni bajarishga jismoniy tayyorlash; turli yo‘nalishdagi yuklamalarni qo‘llagan holda voleybolchi talaba-qizlarning jismoniy tayyorgarligini nazorat qilish; yosh basketbolchilarning jismoniy tayyorgarligini harakatli o‘yinlar orqali takomillashtirish; uzluksiz ta’lim tizimida pedagog xodimlarning inklyuziv kompetentligini shakllantirish; sport menejeri: zamonaviy kasbning qiyinchiliklari; sport tayyorgarligiga ega bo‘lmagan talaba-qizlarda kuch qobiliyatlarini kuch mashqlari vositalari orqali takomillashtirish uslubiyati.

Maqolalar materiallari bilan jurnal veb-saytining «Jurnallar» bo‘limi yoki «EBSCO» va «Crossref» veb-saytlari orqali tanishishingiz mumkin.

Hurmatli o‘quvchilar, sharh va takliflaringizni kutamiz.